بلا سينما شدُّو الكرارس كاملين ولا طلقوهم كاملين

حيث حنا منطقة فلاحية و حيث عندنا حي صفيحي كبير ،طبيعي تكون عندنا العربات المجرورة بدواب “زعما كروسة كيجرها عود” و حيث حنا و لينا عمالة و داكشي ديال الحضارة و الشانطيات و الجرادي ماجاتش كروسة تدوز من وسط الشارع الرئيسي و تلوح زبلها قدام المؤسسات العمومية و تعرقل عملية السر …ناضو المسؤولين عندنا هادي سنين فكرو خطو باش زعما هاد الظاهرة ماتبقاش في وسط المدينة.. وهادشي مزيان و حاجة ايجابية، أنما باش تلقاهم شادين 4 ديال الناس محيدين ليهم كراولهم و مخلين 2000 كروسة كتدور عادي و الشمش كتحرق ،وحاكرين على وحدين و مخلين وحدين ،فهادشي ماشي معقول و مايبغيه لا العبد لا سيدي ربي…يا إما أ سيدي شدْ كُلشي أو طلق كُلشي ، أو فكَّر و خمم و خدم مُخك و دير ليهم حل .. و كيف ماهو معروف منطقة سيدي بنور منطقة فلاحية و عندنا أكبر سوق “موسخ” في المغرب تدار ليهم طريقهم الخاصة بيهم يرتاحو ويخدمو و يترزقو الله و حتا لمدينة تتنقى و تتطور ….أما باش يبقى التمثيل و السينما فحنا را عايقين و هانتوما معلومين

قم بكتابة اول تعليق

Leave a Reply

لن يتم نشر بريدك الالكتروني في اللعن


*


49 + = 56